დანიის პრემიერ-მინისტრმა მეტე ფრედერიქსენმა განაცხადა, რომ რუსეთი მშვიდობისთვის მზადყოფნის ნიშნებს არ ავლენს და რომ ვლადიმერ პუტინის სტრატეგიაა დაელოდოს დასავლეთის დაღლას და უკრაინის მხარდაჭერის შეწყვეტას. მან ხაზგასმით აღნიშნა, რომ ეს არასდროს მოხდება დამოკავშირეები კიევისადმი მხარდაჭერას მხოლოდ გაზრდიან. ფრედერიქსენმა ამის შესახებ ლონდონში „მსურველთა კოალიციის“ შეხვედრის შემდეგ გამართულ პრესკონფერენციაზე განაცხადა.
ფრედერიქსენის თქმით, პუტინის ბოლოდროინდელი სატელეფონო ზარი აშშ-ის პრეზიდენტ დონალდ ტრამპთან აჩვენებს მის შიშს ძლიერი უკრაინის მიმართ.
„სწორედ პუტინმა დაურეკა პრეზიდენტ ტრამპს რამდენიმე დღის წინ, რადგან ეშინოდა, რომ უკრაინა უპირატესობას მოიპოვებდა. თუმცა, მან უარყო ტრამპის წინადადება ამჟამინდელი ფრონტის ხაზზე ცეცხლის შეწყვეტის შესახებ. პუტინს არ სურს მკვლელობების შეჩერება. არ არსებობს არანაირი ნიშანი იმისა, რომ რუსეთს და პუტინს მშვიდობა სურთ, არც ცეცხლის შეწყვეტა.“
პრემიერ-მინისტრმა აღნიშნა, რომ რუსეთის მიერ დასავლეთის წინააღმდეგ მიმდინარე აგრესიისა და ჰიბრიდული ომის საპასუხოდ, „მსურველთა კოალიცია“ მოსკოვზე ზეწოლის კოორდინირებული გაზრდაზე შეთანხმდა.
„დღეს, მსირველთა კოალიცია შეთანმდა რუსეთზე ზეწოლის გაზრდაზე, რომ ჩვენ უნდა გამოვნახოთ გრძელვადიანი დაფინანსება უკრაინისთვის ბრძოლის გასაგრძელებლად, გავაძლიეროთ უკრაინის თავდაცვის ინდუსტრია ევროპული დაფინანსებით, დავაფინანსოთ უკიდურესად საჭირო ამერიკული იარაღი და გავზარდოთ ზეწოლა პუტინის სუსტ ეკონომიკაზე ახალი სანქციებით“, - განაცხადა ფრედერიქსენმა.
ფრედერიქსენმა აღნიშნა ამ კვირაში გადადგმული მნიშვნელოვანი ნაბიჯები, მათ შორის ევროკავშირის მიერ რუსეთის ენერგეტიკული სექტორისა და მისი ტანკერების „ჩრდილოვანი ფლოტის“ წინააღმდეგ დაწესებული სანქციების მე-19 პაკეტი, ასევე აშშ-სა და დიდი ბრიტანეთის სანქციები რუსეთის ორი უმსხვილესი ნავთობკომპანიის წინააღმდეგ.
„პუტინის სტრატეგია იყო დალოდებოდა, ჩვენს გაჩერებას და რაღაც მომენტში დანებდებას. თუმცა, რა თქმა უნდა, ეს არასდროს მოხდება“, - აღნიშნა პრემიერ-მინისტრმა.
მან დაარწმუნა, რომ მოკავშირეები ერთიანები არიან თავიანთ ძალისხმევაში და კიდევ ერთხელ გაუსვა ხაზი პრეზიდენტ ვოლოდიმირ ზელენსკის, უკრაინისა და ყველა ევროპელის წინაშე ვალდებულებას, გააგრძელონ მხარდაჭერა.
