"საქართველოს სახელმწიფო ელექტროსისტემამ" "მუშაკისთვის ზიანის მიყენებიდან გამომდინარე სოციალური დავალიანებები" სრულად დაფარა. კომპანიის ინფორმაციით, სსე-მ სრულად დაფარა 2002 წლის 1 დეკემრამდე წარმოშობილი "მუშაკისთვის ზიანის მიყენებიდან გამომდინარე სოციალური დავალიანებები" (საწარმოო ტრამვა), რომლის საერთო თანხა 100 000 ლარზე მეტს შეადგენდა.
"მიუხედავად, იმისა, რომ დავალიანების გადახდა სსე-ის 2011 წლის დასასრულისთვის უნდა განეხორციელებინა, ჩვენ გავითვალისწინეთ არსებული მდგომარეობა, და 2011 წლის დასაწყისში წინსწრებით მოვახდინეთ აღნიშნული დავალიანების სრულად დაფარვა"- განაცხადა სსე-ის რეაბილიტაციის მმართველმა სულხან ზუმბურიძემ.
რაც შეეხება სახელფასო დავალიანებებს, რაც 2001 წლის 1 დეკემბრამდეა წარმოშობილი "გადახდის უუნარობის საქმის წარმოების შესახებ" კანონის თანახმად, სსე იმყოფება რეაბილიტაციის რეჟიმში. რეაბილიტაციის გეგმა 2008 წელს დაამტკიცა ფინანასთა სამინისტრომ, ხოლო 2010 წლის ნოემბერში შეტანილი #12 ცვლილების შესაბამისად, სახელფასო დავალიანებების გადახდა 3 წლის განმავლობაში - 2011-2013 წლებში განხორციელდება. ჯამში დასაფარი თანხა დაახლოებით 4 500 000 ლარს შეადგენს.