გერმანიის საგარეო საქმეთა სამინისტრო გამოეხმაურა ჟურნალისტ მზია ამაღლობელისთვის სახაროვის პრემიის მინიჭებას და კიდევ ერთხელ მოითხოვა მისი დაუყოვნებლივ გათავისუფლება.
საგარეო საქმეთა სამინისტროს განცხადებას საქართველოში გერმანიის საელჩო ავრცელებს.
"ევროპარლამენტის მიერ გამოხატვის თავისუფლებისთვის დაწესებული სახაროვის სახელობის პრემიის მინიჭება მზია ამაღლობელისა და ანდრეი პოჩობუტისთვის წარმოადგენს ძლიერ სიგნალს ყველა ჟურნალისტისთვის, რომლებიც მსოფლიოს სხვადასხვა ქვეყანაში სიმართლის უშიშრად თქმისთვის არიან დაპატიმრებულები. ჩვენ მოვითხოვთ მათ დაუყოვნებლივ გათავისუფლებას", - ნათქვამია საგარეო უწყების განცხადებაში.
შეგახსენებთ, "ბათუმელებისა" და "ნეტგაზეთის" დამფუძნებელს, პატიმრობაში მყოფ ჟურნალისტს მზია ამაღლობელს ევროკავშირის ადამიანის უფლებათა უმაღლესი ჯილდო, სახაროვის პრემია გადაეცა.
