17 ოქტომბერს თეთრ სახლში გამართულ შეხვედრაზე  აშშ-ის პრეზიდენტმა დონალდ ტრამპმა უკრაინის პრეზიდენტ ვოლოდიმირ ზელენსკის მოუწოდა, რუსეთსა და უკრაინას შორის ომის დასრულების შესახებ რუსეთის პირობები მიეღო და გააფრთხილა, რომ პრეზიდენტი ვლადიმირ პუტინი უკრაინის „განადგურებით“ დაემუქრა, თუ ის ამ პირობებს არ შეასრულებდა. ინფორმაციას ამის შესახებ წყაროებზე დაყრდნობით Financial Times ავრცელებს.

როგორც გამოცემა წერს, ტრამპმა ზელენსკის განუცხადა, რომ წინააღმდეგ შემთხვევაში, ვლადიმირ პუტინი უკრაინის „განადგურებით“ დაემუქრა. როგორც გამოცემა წერს, აშშ-ის პრეზიდენტმა გვერდზე გადადო უკრაინის ფრონტის ხაზის რუკები, მოითხოვა, რომ ზელენსკის მთელი დონბასის რეგიონი პუტინისთვის ჩაებარებინა და არაერთხელ გაიმეორა რუსეთის ლიდერის მიერ წინა დღეს სატელეფონო საუბრისას წამოჭრილი საკითხები.

2.5 საათიანი შეხვედრის განმავლობაში საუბარი პერიოდულად იძაბებოდა და მწვავე კამათში გადადიოდა.

"ან შეთანხმებას დადებთ, ან განადგურდებით"- განაცხადა ტრამპმა შეხვედრის მიმდინარეობისას - წყაროების ცნობით, ამერიკელი პრეზიდენტი იმეორებდა, რომ უკრაინაში ომში მარცხდება და დასძინა, რომ "სურვილის შემთხვევაში პუტინს შეუძლია გაანადგუროს უკრაინა." 

მიუხედავად ამისა, უკრაინელებმა შეძლეს ტრამპის გადარწმუნება მხარი დაეჭირა კონფლიქტის არსებულ ფრონტის ხაზებზე გაყინვას.

შეხვედრის შემდეგ ტრამპმა მედიას განუცხადა, რომ მხარეებმა ომი უნდა შეწყვიტონ ფრონტის ხაზზე. ზელენსკიმ თქვა, რომ ეს მნიშვნელოვანი იყო.

წყაროების ცნობით, შეხვედრის შედეგად იმედგაცრუებული იყო არამხოლოდ ვოლოდიმირ ზელენსკი, არამედ ევროპელი ლიდერებიც, რომლებიც მივიდნენ დასკვნამდე, რომ ტრამპი არ აპირებს უკრაინის მხარდაჭერის გაზრდას.