აშშ-ის პრეზიდენტ დონალდ ტრამპთან შეხვედრის შემდეგ, უკრაინის პრეზიდენტი ვოლოდიმირ ზელენსკი ესაუბრა ევროპელ პარტნიორებს, რომლებიც „მსურველთა კოალიციის“ წევრები არიან.
ზელენსკიმ აღნიშნა, რომ მას სატელეფონო საუბარი ჰქონდა ევროპული ქვეყნების ჯგუფთან - უკრაინის სტრატეგიულ პარტნიორებთან - და ევროკავშირის ხელმძღვანელობასთან.
„მე მქონდა ერთობლივი სატელეფონო საუბარი ევროპელი ლიდერების ჯგუფთან, „მსურველთა კოალიციის“ მთავარ წარმომადგენლებთან. საუბარში ასევე მონაწილეობდნენ ესწრებოდნენ ურსულა ფონ დერ ლეიენი და ანტონიო კოშტა“, - თქვა ზელენსკიმ.
მან დასძინა, რომ საუბარში ასევე მონაწილეობდნენ ფინეთის პრეზიდენტი ალექსანდრ სტუბი, ბრიტანეთის პრემიერ-მინისტრი კირ სტარმერი, პოლონეთის პრემიერ-მინისტრი დონალდ ტუსკი, ნორვეგიის პრემიერ-მინისტრი იონას გარ სტიორე, იტალიის პრემიერ-მინისტრი ჯორჯია მელონი და ნატო-ს გენერალური მდივანი მარკ რუტე.
„პრეზიდენტ ტრამპთან ჩვენი საუბრის ერთ-ერთი თემა უსაფრთხოების გარანტიები იყო. ჩვენ, რა თქმა უნდა, ამერიკის შეერთებული შტატების ლიდერობის იმედი გვაქვს,“ - აღნიშნა ზელენსკიმ.
მან დასძინა, რომ ევროპელ პარტნიორებთან კონკრეტულად საჰაერო თავდაცვის საკითხებსა და PURL-ის ინიციატივის ფარგლებში მხარდაჭერაზე ისაუბრა, რომლის თანახმადაც ევროპელი პარტნიორები ამერიკული იარაღის უკრაინაში გადასაცემად თანხებს გამოყოფენ.
