რუსეთის პრეზიდენტ ვლადიმირ პუტინთან სატელეფონო საუბრის შემდეგ, აშშ-ის პრეზიდენტმა დონალდ ტრამპმა ბუდაპეშტში ორმხრივი შეხვედრა დააანონსა. ამის შესახებ Truth Social-ში წერს.
საუბრის შემდეგ, ამერიკის პრეზიდენტმა იმედი გამოთქვა, რომ „ახლო აღმოსავლეთში წარმატება დაგვეხმარება რუსეთსა და უკრაინას შორის ომის დასრულების მოლაპარაკებებში“.
„მე და პრეზიდენტი პუტინი შევხვდებით შეთანხმებულ ადგილას, უნგრეთის დედაქალაქ ბუდაპეშტში, რათა ვნახოთ, შეგვიძლია თუ არა რუსეთსა და უკრაინას შორის ამ „სამარცხვინო“ ომის დასრულება“
მან დასძინა, რომ კრემლის ლიდერთან ისაუბრა აშშ-ის პირველი ლედის, მელანია ტრამპის, უკრაინელი ბავშვების დაბრუნების მცდელობებზე, ასევე „რუსეთსა და შეერთებულ შტატებს შორის ვაჭრობაზე უკრაინასთან ომის დასრულების შემდეგ“.
„საუბრის დასასრულს, ჩვენ შევთანხმდით, რომ ჩვენი მაღალი დონის მრჩევლების შეხვედრა მომავალ კვირას გაიმართება. შეერთებული შტატების მხრიდან საწყის შეხვედრებს სახელმწიფო მდივანი მარკო რუბიო უხელმძღვანელებს სხვა ოფიციალურ პირებთან ერთად, რომლებიც მოგვიანებით დაინიშნებიან. შეხვედრის ადგილი ჯერ არ არის განსაზღვრული“, - დაწერა ტრამპმა.
