ავღანეთის თავდაცვის სამინისტროს განცხადებით, პაკისტანის წინააღმდეგ „ოპერაცია შურისძიება“ წარმატებით დაასრულა.
„ავღანეთის საჰაერო სივრცის განმეორებითი დარღვევებისა და პაკისტანის საჰაერო დარტყმების საპასუხოდ, ავღანეთმა დურანდის ხაზის გასწვრივ ქვეყნის უსაფრთხოების ძალების ცენტრების წინააღმდეგ საპასუხო ოპერაცია დაიწყო. ოპერაცია შუაღამისას წარმატებით დასრულდა“, - განაცხადეს ავთანეთის ღავდაცვის სამინისტროში.
უწყებამ ასევე განაცხადა, რომ „თუ პაკისტანი კვლავ დაარღვევს ავღანეთის საჰაერო სივრცეს, ქვეყნის შეიარაღებული ძალები გადამწყვეტ რეაგირებას მოახდენენ მისი საზღვრების დასაცავად“.
როგორც სამინისტრომ აღნიშნა, ავღანეთის სამხედრო ძალები თავს დაესხნენ ობიექტებს, რომლებიც გამოიყენება ქვეყანაში დრონების გასაშვებად და მისი საჰაერო სივრცის დარღვევისთვის, ასევე პერიოდულად გამოიყენებოდა მშვიდობიან მოსახლეობაზე თავდასხმისთვის.
პაკისტანურმა მხარემ დაადასტურა შეტაკებები საზღვრის ხუთზე მეტ ლოკაციაზე და აღიარა, რომ საპასუხო დარტყმებს თავადაც ახორციელებენ.
შეტაკებების შედეგად თორმეტი პაკისტანელი ჯარისკაცი დაიღუპა და სულ მცირე ორი დაიჭრა.
გარდა ამისა, ხუთმა პაკისტანელი ჯარისკაცი „თალიბანს“ ჩაბარდა ყანდაჰარის პროვინციის ტერიტორიაზე.
ცნობისათვის, მანამდე მედიამ გაავრცელა ინფორმაცია პაკისტან-ავღანეთის საზღვარზე მიმდინარე მძიმე ბრძოლების შესახებ.
