რუსებმა კრიტიკულ ინფრასტრუქტურაზე თავდასხმა განახორციელეს, ისინი აგრძელებენ რაკეტებითა და დრონებით სამოქალაქო სამიზნეებსა და მოსახლეობაზე თავდასხმას - ამის შესახებ უკრაინის პრეზიდენტის ოფისის ხელმძღვანელი, ანდრიი ერმაკი X-ზე წერს.
მისი თქმით, რუსეთის წინააღმდეგ საჭიროა ერთიანი მოქმედება.
„რუსებმა კრიტიკულ ინფრასტრუქტურაზე თავდასხმა განახორციელეს, ისინი აგრძელებენ რაკეტებითა და დრონებით სამოქალაქო სამიზნეებსა და მოსახლეობაზე თავდასხმას „ჰამასსაც“ კი შეუძლია ცეცხლის შეწყვეტა, მაგრამ პუტინს არა, სულ მცირე, ჯერ არა.რუსეთის წინააღმდეგ მეტი ერთიანი მოქმედება გვჭირდება“, - წერს ერმაკი.
უკრაინის პრეზიდენტის ვოლოდიმირ ზელენსკის განცხადებით, რუსებმა კრიტიკულ ინფრასტრუქტურაზე მასშტაბური იერიში 450-ზე მეტი დრონითა და სამ ათეულზე მეტი რაკეტით მიიტანეს. 20 ადამიანი დაშავდა და ბავშვი დაიღუპა.
უკრაინის პრეზიდენტი ვოლოდიმირ ზელენსკი მიიჩნევს, რომ მსოფლიოს, ერთად მუშაობით, შეუძლია ადამიანები ამ ტერორისგან დაიცვას.
„საჰაერო თავდაცვის მომარაგებისა და სანქციების განხორციელებისას ჩვენ გვჭირდება გადამწყვეტი მოქმედება და არა ცარიელი სიტყვები - აშშ-სგან, ევროპისა და „დიდი შვიდეულისგან“. ველით ამ სისასტიკეზე პასუხს „დიდი ოცეულისგან“, ყველა მათგანისგან, ვინც თავის გამოსვლებში მშვიდობაზე საუბრობს, მაგრამ რეალური ქმედებებისგან თავს იკავებს. მსოფლიოს შეუძლია ამ დანაშაულებისგან დაცვა და ეს, რა თქმა უნდა, გააძლიერებს გლობალურ უსაფრთხოებას“, - განაცხადა ზელენსკიმ.
სარაკეტო და დრონებით დარტყმა განახორციელეს, რის შედეგადაც 20 ადამიანი დაშავდა და ბავშვი დაიღუპა.
