უკრაინული მედიის ცნობით, რუსული დორნებით მასირებული იერიშის გამო, კიევში, უმეტესად მარცხენა სანაპირო, ელექტროენერგიის გარეშეა დარჩენილი.
კიევის მერმა ვიტალი კლიჩკომ განაცხადა, რომ კიევში ელექტროენერგიის გათიშვა კრიტიკულ ინფრასტრუქტურაზე დარტყმების გამო მოხდა.
მისი ცნობით, რთული ვითარებაა მდინარის მარცხენა სანაპიროზე.
„დედაქალაქის მარცხენა სანაპირო ელექტროენერგიის გარეშეა. ასევე პრობლემებია წყალმომარაგებასთან დაკავშირებით,“ - განაცხადა კლიჩკომ.
კლიჩკომ მოგვიანებით აღნიშნა, რომ ენერგეტიკოსები ელექტროენერგიის მიწოდების აღდგენაზე მუშაობენ, თუმცა სიტუაცია რთულია.
ასევე, ქალაქის ნაწილი ამჟამად წყალმომარაგების გარეშეა დარჩენილი.
კიევზე თავდასხმის შედეგად პეჩერის რაიონში 17-სართულიან კორპუსში ხანძრი გაჩნდა. მაშველებმა შენობიდან 20 მცხოვრები გამოიყვანეს, დაშავებულია 12 ადამიანი
ელექტროენერგიის გათიშვის გამო, კიევში ამჟამად მეტრო შეფერხებებით მუშაობს. ამასთან, გასული ღამის განმავლობაში რუსებმა ზაპოროჟიესაც შეუტიეს. თავდასხმის შემდეგ დაშავებული 7 წლის ბავშვი საავადმყოფოში გარდაიცვალა.