ისრაელის მთავრობამ დაამტკიცა გეგმა, რომლის მიხედვითაც ღაზის სექტორში „ჰამასის“ მიერ დაკავებული 48 მძევალი გათავისუფლდება. ამის შესახებ The Times of Israel ისრაელის პრემიერ-მინისტრის ადმინისტრაციაზე დაყრდნობით იუწყება. ამ გადაწყვეტილების მიღებით, ძალაში შედის ცეცხლის შეწყვეტის რეჟიმი.
მძევლების გათავისუფლება 2000-მდე პალესტინელი დაკავებულის სანაცვლოდ და ისრაელის თავდაცვის ძალების ნაწილობრივი გაყვანა აშშ-ის პრეზიდენტ დონალდ ტრამპის სამშვიდობო გეგმის პირველი ეტაპია.
შეთანხმებას ისრაელის მინისტრების უმეტესობამ დაუჭირა მხარი, მათ შორის მათაც, ვინც ადრე მის წინააღმდეგი იყო.
გეგმა ასევე ითვალისწინებს, რომ ისრაელის თავდაცვის ძალები ღაზის სექტორში 24 საათის განმავლობაშიუკან დაიხევს წინასწარ შეთანხმებულ საზღვრებამდე. შეინარჩუნებენ კონტროლს ღაზის ტერიტორიის დაახლოებით 53%-ზე, რის შემდეგაც „ჰამასისთვის“ ყველა მძევლის გასათავისუფლებლად 72-საათიანი ვადა დაიწყება. „ჰამასი“ გაათავისუფლებს ყველა ისრაელელ მძევალს, ცოცხალსა და გარდაცვლილს. ისრაელის თქმით, ეს შეიძლება, კვირას ან ორშაბათს მოხდეს; როგორც კი ყველა მძევალი გათავისუფლდება, ისრაელი გაათავისუფლებს 250 პალესტინელ პატიმარს, რომლებიც სამუდამო პატიმრობას იხდიან ისრაელის სიცხეებში და ასევე ღაზის სექტორის 1700 მცხოვრებელს, რომლებიც 7 ოქტომბრის შემდეგ დააკავეს.
