რუსული მედიის ცნობით, ტაჯიკეთში გამართული შეხვედრის დროს რუსეთის პრეზიდენტმა ვლადიმირ პუტინმა და აზერბაიჯანის პრეზიდენტმა ილჰამ ალიევმა AZAL-ის თვითმფრინავის ჩამოვარდნის საკითხი განიხილეს.
მან აღნიშნა, რომ რუსეთი, შეთანხმებების შესაბამისად, ყველანაირ დახმარებას უწევს ავიაკატასტროფის გამოძიებას.
პუტინმა მიანიშნა, რომ თვითმფრინავის ჩამოვარდნის მიზეზები, სხვა ფაქტორებთან ერთად, უკრაინულ დრონს უკავშირდებოდა, რომელიც იმ დროს ცაში იმყოფებოდა. ამგვარად, იმ დღეს რუსეთმა უკრაინის შეიარაღებული ძალების სამი უპილოტო საფრენი აპარატი გამოიყვანა, რომლებმაც საზღვარი გადაკვეთეს.
„მეორე მიზეზი თავად რუსული საჰაერო თავდაცვის სისტემის ტექნიკური გაუმართაობაა. და ორი გასროლილი რაკეტა პირდაპირ თვითმფრინავს არ მოხვედრია; ეს რომ მომხდარიყო, ის ადგილზე ჩამოვარდებოდა. ამის ნაცვლად, ისინი აფეთქდნენ, შესაძლოა ეს იყო თვითგანადგურება, რამდენიმე მეტრის მოშორებით, სადღაც ათ მეტრში“, - განაცხადა რუსეთის ლიდერმა.
ყაზახეთში, ავიაკომპანია Azerbaijan Airlines-ის თვითმფრინავი ჩამოვარდა, რომელიც ბაქოდან გროზნოში მიფრინავდა. ბორტზე 67 ადამიანი იმყოფებოდა, 38 დაიღუპა.
