ღაზაში ცეცხლის შეწყვეტის რეჟიმი დაიწყება საღამოს, მას შემდეგ, რაც ისრაელის მთავრობა სამშვიდობო შეთანხმებას ოფიციალურად დაამტკიცებს. როგორც ისრაელის მედია ქვეყნის პრემიერ-მინისტრის ოფისზე დაყრდნობით იუწყება, მთავრობის სხდომაზე სამშვიდობო შეთანხმებასთან დაკავშირებით კენჭისყრა ადგილობრივი დროით, 18:00 საათზეა დაგეგმილი.
ამასთან, ლიბანში "ჰამასის" ხელმძღვანელმა ოსამი ჰამდანმა კატარის ტელეარხ Al Arabi-ს განუცხადა, რომ ღაზის სექტორში ცეცხლის შეწყვეტის შესახებ შეთანხმება ითვალისწინებს, რომ ისრაელის ჯარები პარასკევიდან დაიწყებენ ქალაქებისა და მჭიდროდ დასახლებული ტერიტორიების გარეთ დანიშნულ პოზიციებზე გასვლას, განუცხადა
„შეთანხმებების თანახმად, ისრაელის ჯარები ხვალიდან დაიწყებენ ღაზას სექტორში არსებული პოზიციებიდან, ე.წ. „ყვითელი ხაზებიდან“, ტრამპის გეგმით განსაზღვრული საზღვრებისკენ გასვლას. ისინი შეთანხმების განხილვის დროს გადაიხედა, რადგან გათვალისწინებულია ისრაელის ჯარების განლაგება ღაზის სექტორის ქალაქებსა და მჭიდროდ დასახლებულ რაიონებში.
ჩვენ ახლა შევთანხმდით, რომ ისინი გავლენ და არ დარჩებიან ქალაქებში, კერძოდ, ქალაქ ღაზაში, რაფაში, ხან იუნისში და ასევე დატოვებენ საცხოვრებელ უბნებს“, - თქვა ჰამდანმა.
შეგახენებთ, აშშ-ის პრეზიდენტმა დონალდ ტრამპმა ისრაელსა და ჰამასს შორის სამშვიდობო გეგმის პირველი ფაზის ხელმოწერის შესახებ განაცხადა, რომელიც, ყველა მძევლის სწრაფ გათავისუფლებას და ისრაელის ჯარების გაყვანას მოიცავს.
