პირველ რიგში, უნდა დავინახოთ აუცილებლად, რომ რეჟიმს ჩაუვარდა არჩევნები, რაც არ ეცადა, რამდენიც არ დახარჯა და რამდენიც არ დაიხარჯა ამ არჩევნებისთვის არ გამოუვიდა და არ მივიდა ხალხი არჩევნებზე იმიტომ, რომ როგორც სხვებიც ამბობენ ქართველი ხალხი ბრძენია და იციან სად უნდა მივიდნენ და როდის უნდა მივიდნენ, - ამის შესახებ საქართველოს მეხუთე პრეზიდენტმა სალომე ზურაბიშვილმა საგანგებო მიმართვისას განაცხადა.
"როცა შენ ელოდები, რომ გაყალბებული საპარლამენტო არჩევნები გამოსწორდეს და დაინიშნოს ახალი, თავისუფალი, სამართლიანი საპარლამენტო არჩევნები და ამით გადავიდეთ მართლა ახალ პოლიტიკურ სივრცეში, არ შეიძლება რომ დათანხმდე ადგილობრივი არჩევნების ფარსზე და იმაში მიიღო მონაწილეობა. ეს ჩვენმა მოქალაქეებმა კარგად გაიგეს და ვინც არ იყო რაღაცით ან იძულებული, ან დაინტერესებული ისინი არ მივიდნენ ამ არჩევნებში მონაწილეობის მისაღებად," - განაცხადა სალომე ზურაბიშვილმა.
მისი თქმით, უცილებელია, დღეს ყველა რუსთაველო გამზირზე გავიდეს, რადგან რუსთაველი დასაცავია.
"დღეს, როგორც არასოდეს, რეჟიმს უნდა რომ მოსპოს რუსთაველის პროტესტი. ამიტომ გამოაცხადა შსს-მ, რომ არ დავუშვებთ, ეს არის გაგრძელება ძალადობრივი ქმედებების. ეს არის ტყუილი, ეს ყველამ კარგად ვიცით და ეს ჩვენ ვერ შეგვაშინებს. ამიტომ, დღეს, როგორც არასდროს, აუცილებელია, რომ გავიდეთ რუსთაველზე და გავიდეთ ყველანი ერთად, დავდგეთ რუსთაველზე იმიტომ, რომ რუსთაველი დღეს არის დასაცავი. პროტესტი, რომელიც გრძელდებოდა 300 დღეზე მეტი და სადაც ჩვენ ვიცავდით ევროპულ მომავალს და კონსტიტუციის სწორედ იმ მუხლს, რომელიც ამ ევროპულ მომავალს ასახავს, ჩვენ არ გადავალთ არც ერთ არაკონსტიტუციურ ქმედებაზე, ჩვენ ვერ მოგვატყუებენ და ვერ გადაგვიყვანენ სხვა რეჟიმში. ჩვენ ვართ მშვიდობიანი პროტესტი ამ ქვეყნის ისტორიაში, რომელიც დარჩება და ჩვენ დღეს უნდა დავიცვათ რუსთაველი. რუსთაველი არის გარანტია იმისი, რომ რეჟიმი ბოლოს ჩამოიშლება, რუსთაველი არის გარანტია იმისი, რომ გარედან ამ რეჟიმის იზოლაცია გაგრძელდება, რუსთაველი არის გარანტია იმისი, რომ ჩვენ ერთმანეთის გვჯერა და ერთმანეთთან ვართ სოლიდარულები და რუსთაველი არის იმის გარანტია, რომ ხვალინდელი მომავალი არის ჩვენი და არ დავთმობთ და დადგება დღე არჩევნების, ნამდვილი, სამართლიანი საპარლამენტო არჩევნების, სადაც მართლაც გავაკეთებთ ჩვენ არჩევანს. დღეს არის დაცვის დღე და მე ყველას მოგიწოდებთ, რომ ამ საღამოს ერთად ვიდგეთ და გავაგრძელოთ რამდენიც საჭირო იქნება და ბოლომდე ეს მშვიდობიანი პროტესტი," - განაცხადა ზურაბიშვილმა.
