ევროკომისიის პრეზიდენტი ურსულა ფონ დერ ლაიენი სუმის ოლქში რკინიგზის სადგურზე რუსეთის იერიშს ეხმიანება და ანიშნავს, რომ ევროკავშირმა და მისმა გლობალურმა პარტნიორებმა უნდა გააძლიერონ ზეწოლა რუსეთზე.
„ევროკავშირი უკრაინის გვერდით დგას, მაშინ როდესაც მისი ხალხი კვლავ იტანჯება რუსული ბარბაროსობის შედეგად.
შოსტკას რკინიგზის სადგურიდან შოკისმომგვრელი სცენები ხაზს უსვამს რუსეთის უგუნურ და მუდმივ მზაობას, მიზანში ამოიღოს მშვიდობიანი მოსახლეობა.
ევროკავშირმა და მისმა გლობალურმა პარტნიორებმა უნდა გააძლიერონ ზეწოლა რუსეთზე, ვიდრე ის საბოლოოდ არ დათანხმდება სამართლიან და ხანგრძლივ მშვიდობას“, - წერს ურსულა ფონ დერ ლაიენი.
შეგახსენებთ, რუსეთმა სუმის ოლქში შოსტკას რკინიგზის სადგურზე იერიში 4 ოქტომბრის დილით მიიტანა. დაშავებულია 30 ადამიანი.
