საპარლამენტო არჩევნებზეც, ახლაც ვაკვირდებით, რომ დემოკრატიული პროცესის დისკრედიტაციის მცდელობაა, ცდილობენ, ისეთი სურათი დახატონ, თითქოს, რაღაც არასწორად მიმდინარეობს, – ამის შესახებ საგარეო საქმეთა მინისტრმა, მაკა ბოჭორიშვილმა განაცხადა.
მისი თქმით, ოპოზიციას ხელოვნური მცდელობები აქვს, რომ არჩევნები ნეგატიურად იყოს წარმოჩენილი.
„საპარლამენტო არჩევნებზეც, ახლაც ვაკვირდებით, რომ დემოკრატიული პროცესის დისკრედიტაციის მცდელობაა, ისეთი სურათი დადგან და შექმნან, თითქოს, რაღაც არასწორად მიმდინარეობს, რაც არჩევნებს უკავშირდება. ხელოვნური მცდელობებია, რომ არჩევნები იყოს ნეგატიურად წარმოჩენილი, თუმცა ვხედავთ, რომ არჩევნებში მონაწილეობას მოქალაქეები იღებენ და ყველაზე კარგი ტესტია მოქალაქეების პასუხი“, – განაცხადა მაკა ბოჭორიშვილმა.
