აშშ-ის სენატმა მაიკ უოლცი გაერო-ში ელჩად დაამტკიცა.
უოლცის კანდიდატურას 47-მა სენატორმა დაუჭირა მხარი, ხოლო 43-მა წინააღმდეგ მისცა ხმა.
ზედა პალატაში დასამტკიცებლად, მას ხმების მარტივი უმრავლესობა უნდა მიეღო.
მაიკ უოლცის კანდიდატურა გაერო-ში აშშ-ის მუდმივი წარმომადგენლის თანამდებობაზე აშშ-ის სენატის საგარეო ურთიერთობათა კომიტეტმა ივლისში დაამტკიცა.
მანამდე მაიკ უოლცი დონალდ ტრამპის მრჩეველი იყო ეროვნული უსაფრთხოების საკითხებში.
მაიკ უოლცი, პოსტიდან მაისის დასაწყისში გათავისუფლდა სკანდალის შემდეგ, რომელიც ჟურნალისტის Signal Messenger-ის ჩატში დამატებას ეხებოდა, სადაც იემენზე სამხედრო დარტყმები განიხილებოდა.
