ევროკომისიის პრეზიდენტმა ურსულა ფონ დერ ლაიენმა მხარდაჭერა გამოუცხადა ესტონეთს მას შემდეგ, რაც რუსულმა გამანადგურებლებმა ესტონეთის საჰაერო სივრცე დაარღვიეს.
მან მოუწოდა ევროკავშირის ლიდერებს, სწრაფად დაამტკიცონ სანქციების მე-19 პაკეტი, რომელიც დღეს წარადგენეს.
„ევროპა ესტონეთის გვერდით დგას რუსეთის მიერ ჩვენი საჰაერო სივრცის ბოლო დარღვევასთან დაკავშირებით.
ჩვენ ყველა პროვოკაციას მტკიცედ ვუპასუხებთ და ამავდროულად აღმოსავლეთ ფლანგის გაძლიერებაში ჩავდებთ ინვესტიციას.
საფრთხეების ესკალაციასთან ერთად, ჩვენი ზეწოლაც გაიზრდება.
მოვუწოდებ ევროკავშირის ლიდერებს, სწრაფად დაამტკიცონ სანქციების მე-19 პაკეტი“, - წერს ფონ დერ ლაიენი Х-ზე.
