14 სექტემბრის ღამეს რუსებმა უკრაინას ერთი ბალისტიკური რაკეტითა და 58 დრონით შეუტიეს. უკრაინის საჰაერო თავდაცვამ მტრის 52 სამიზნე გაანეიტრალა. ამის შესახებ უკრაინული მედია უკრაინის შეიარაღებული ძალების პრესსამსახურზე დაყრდნობით იუწყება.
კერძოდ, რუსებმა უკრაინას კურსკის, ბრიანსკის, მილეროვოს და პრიმორსკო-ახტარის მიმართულებებიდან შეუტიეს.
საჰაერო თავდასხმა მოიგერია ავიაციამ, საზენიტო-სარაკეტო ძალებმა, ელექტრონულმა საბრძოლო დანაყოფებმა და უპილოტო სისტემებმა, ასევე უკრაინის თავდაცვის ძალების მობილურმა საცეცხლე ჯგუფებმა.
წინასწარი მონაცემებით, საჰაერო თავდაცვის ძალებმა ქვეყნის ჩრდილოეთით, სამხრეთით, აღმოსავლეთით და ცენტრალურ ნაწილში ჩამოაგდეს და ჩაახშეს მტრის 52 „შაჰედის“, „გერბერის“ და სხვა ტიპის დრონი.
