არგენტინის პროვინცია კორდობაში ორადგილიანი თვითმფრინავი ჩამოვარდა, რის შედეგადაც ორივე პილოტი დაიღუპა. ინფორმაციას პორტალი Infobae პოლიციის წყაროებზე დაყრდნობით ავრცელებს.
პორტალის ცნობით, ტრაგედია შაბათს შუადღისას ქალაქ ბელ ვილის აეროდრომზე გამართულ ღონისძიებაზე მოხდა, სადაც მონაწილეები ჰაერში მანევრებს ასრულებდნენ.
„დაღუპულია ორი მამაკაცი სანტა ფეს პროვინციიდან“, - განუცხადეს პორტალს ადგილობრივი პოლიციის წყაროებმა.
Infobae აღნიშნავს, რომ თვითმფრინავის ჩამოვარდნის მიზეზი ამ ეტაპზე უცნობია.
აღნიშნულია, რომ წინასწარი მონაცემებით, თვითმფრინავმა ამწევი ძალა დაკარგა, ასაფრენ ბილიკს შეეჯახა და შეჯახებისას ცეცხლი გაუჩნდა.
