მსოფლიოს სასურსათო ბაზრებზე საკვებ პროდუქტებზე ფასებმა იანვარში რეკორდულ მაჩვენებელს მიაღწია.
ამის შესახებ გაეროს მიერ გამოქვეყნებულ ანგარიშშია ნათქვამი.
"მაჩვენებელმა გადააჭარბა 2008 წელს აღრიცხულ ფასებს - როცა ფასების ზრდას რამდენიმე ქვეყანაში საპროტესტო აქციები მოჰყვა", - ნათქვამია გაეროს საკვებისა და სოფლის მეურნეობის სააგენტოს განცხადებაში.
ამავე მონაცემებით, პროდუქტების ფასმა უპრეცედენტო სიძვირეს განსაკუთრებით ბოლო შვიდი თვის მანძილზე მიაღწია.
გაეროს საკვებისა და სოფლის მეურნეობის სააგენტო საკვები პროდუქტების ფასების აღრიცხვას 1990 წლიდან ახდენს. ის ბურღულის, ზეთის, რძის პროდუქტების, ხორცისა და შაქრის ფასების ყოველთვიურ ცვლილებებს შეისწავლის. მიმდინარე წლის იანვრის მონაცემმა 230.7 პუნქტი შეადგინა - მაშინ, როცა 2008 წლის ივნისში აღრიცხული მონაცემი 224.1 იყო.
