2011 წელს "ელიტ ელექტრონიქსი" IT ტექნიკაში დიდი ინვესტირებასა და ამ მიმართულებით ბაზრის წილის მნიშვნელოვნად გაზრდას გეგმავს. კომპიუტერული ტექნიკის ყველაზე ფართო ასორტიმენტის წარმოდგენასთან ერთად კომპანია მომხმარებლებს საქართველოს ბაზრისთვის ინოვაციურ სერვისებსაც შესთავაზებს. "ელიტ ელექტრონიქსი" საქართველოს ბაზრისთვის ახალ მომსახურებას ნერგავს, კერძოდ კომპიუტერული ტექნიკის მყიდველს კომპანია ტექნიკურ მხარდაჭერას დისტანციური მეთოდით გაუწევს.
აღნიშნული სიახლეების შესახებ 4 თებერვალს 12:00 საათზე "თბილისი ცენტრალში" მდებარე "ელიტ ელექტრონიქსის" მაღაზიაში (ვაგზლის მოედანი #2) კომპანიის გაყიდვების მენეჯერი ია ნადირაშვილი გააკეთებს განცხადებას.
"მთელი წლის განმავლობაში მომხმარებლებს Iთ ტექნიკის მიმართულებით არაერთ მნიშვნელოვან სიახლეს შევთავაზებთ. თამამად შემიძლია ვთქვა, რომ ჩვენს ქსელში კომპიუტერები ყველაზე დაბალ ფასად გაიყიდება. გარდა ამისა უამრავ მასტიმულირებელ აქციას ვგეგმავთ. როგორც ფასდაკლებების, ასევე სპეც ფასებისა თუ საჩუქრების სახით. ასეთი აქცია უკვე დავიწყეთ, რომლის ფარგლებშიც მომხმარებლები ფასდაკლებასთან ერთად, უპროცენტო განვადებითაც ისარგებლებენ", - აცხადებს ნადირაშვილი.
მისი ინფორმაციით, კომპანიის ერთერთი ძირითადი სტრატეგიული მიზანია ბაზარზე ახალი ტექნოლოგიების შემოტანა. 2011 წელს "ელიტ ელექტრონიქსი" ქსელში მსოფლიოს წამყვანი ბრენდების ტექნიკის უახლესი მიღწევების რეალიზაციასთან ერთად, მომხმარებლებს კომპიუტერული ტექნიკის ექსკლუზიურ მოდელებსა და ექსკლუზიურ ფასებს შესთავაზებს.
ამჟამად ქსელში წარმოდგენილია DELL-ის, AჩER-ის, ASUS-ის, HP-ისა და SONY-ს ლეპტოპები. პერსონალური კომპიუტერების მიმართულებით კი კომპანია შემდეგი ბრენდების: ASUS, BENQ, ACER, HP, LG, PHILIPS, SAMSUNG INTEL, KINGSTON, A DATA, APOGEE, TRANNSCEND, LITE ON, MSI, SEAGATE, SONY, SPARKLE დისტრიბუტორია.
კომპიუტერული ტექნიკის ფასი "ელიტ ელექტრონიქსის" მაღაზიებში 459 ლარიდან იწყება.
გარდა ამისა კომპანია ქსელის გაფართოვებაზედაც იზრუნებს და წლის განმავლობაში 10 ახალ მაღაზიას გახსნის, აქედან ერთერთი მათგანი 5 თებერვალს თბილისში სავაჭრო ცენტრ "მეგალაინში" განთავსდება. გახსნის დღეს კომპანია მომხმარებლებს 1-დღიან 40%-მდე ფასდაკლების აქციას "BOSCH"-ის საოჯახო ტექნიკაზე შესთავაზებს.
თვის ბოლომდე ახალი მაღაზიები განთავსდება ახალციხესა და ზესტაფონშიც.