საერთაშორისო საავტომობილო სამგზავრო გადაყვანასა და საერთაშორისო სატვირთო გადაზიდვაზე მრავალჯერადი ნებართვები კონსურსის წესით გაიცემა.
აღნიშნულთან დაკავშირებით ცვლილება შედის "ლიცენზიებისა და ნებართვების შესახებ" კანონში.
კანონპროექტის თანახმად, მრავალჯერად ნებართვას საავტომობილო ტრანსპორტის სააგენტო კონკურსის წესით გასცემს.
ამასთან, კონკურსში გამარჯვებული ნებართვის მაძიებელი მრავალჯერადი ნებართვების მისაღებად ნებართვის გაცემის საფასურს გადაიხდის, რომლის ოდენობასაც ეკონომიკისა და მდგრადი განვითარების სამინისტრო ნებართვის გაცემისთვის კონკურსის ჩატარების პირობებთან ერთად დაადგენს.
მრავალჯერადი ნებართვების გაცემის შედეგად მიღებული თანხა საავტომობილო ტრანსპორტის სააგენტოს ბიუჯეტში ჩაირიცხება.
შეგახსენებთ, რომ ცვლილება შედის "ლიცენზიებისა და ნებართვების შესახებ" კანონში, რომლის ფარგლებშიც ერთიანი სატრანსპორტო ადმინისტრაციის რეორგანიზაცია ხორციელდება და საავტომობილო, საზღვაო და საჰაერო ტრანსპორტი დამოუკიდებელ სამართლის იურიდიულ პირებად ჩამოყალიბდებიან.
