საერთაშორისო საავტომობილო და სატვირთო გადაზიდვებსა და გადაყვანებზე მრავალჯერადი და ერთჯერადი ნებართვები გაიცემა.
აღნიშნულთან დაკავშირებით ცვლილება შედის "ლიცენზიებისა და ნებართვების შესახებ" კანონში, რომლის ფარგლებშიც ერთიანი სატრანსპორტო ადმინისტრაციის რეორგანიზაცია ხორციელდება და საავტომობილო, საზღვაო და საჰაერო ტრანსპორტი დამოუკიდებელ სამართლის იურიდიულ პირებად ჩამოყალიბდებიან.
კანონპროექტის თანახმად კი როგორც სატვირთო გადაზიდვებზე, ასევე მგზავრთა გადაყვანაზე ნებართვების გაცემა ერთჯერადად და მრავალჯერადად მოხდება.
პროექტის მიხედვით ერთჯერადი ნებართვები ზღვრული ვადით გაიცემა, ხოლო მრავალჯერადი ნებართვა უვადო იქნება.
კანონპროექტის ინიციატორი საქართველოს მთავრობა, რომელიც დღეს დარგობრივი ეკონომიკისა და ეკონომიკური პოლიტიკის კომიტეტის სხდომაზე მთავრობის მდივანმა გია ხუროშვილმა წარმოადგინა.