30 აგვისტოს, ლვოვში მოქმედი დეპუტატი და უმაღლესი რადას მერვე მოწვევის თავმჯდომარე, ანდრიი პარუბი მოკლეს .
სამართალდამცველები მკვლელობის გარემოებებს ადგენენ.
უკრაინული მედიის ცნობით, მისი მიმართულებით ხუთი გასროლა განხორციელდა.
პოლიცია წერს, რომ სროლა ლვოვის სიხოვის რაიონში მოხდა. მიღებული ჭრილობების შედეგად, პარუბი ადგილზე გარდაიცვალა.
უკრაინის პრეზიდენტი უკვე გამოეხმაურა პარუბის მკვლელობას.
„შინაგან საქმეთა მინისტრმა იგორ კლიმენკომ და გენერალურმა პროკურორმა რუსლან კრავჩენკომ ლვოვში მომხდარი საშინელი მკვლელობის გარემოებების შესახებ პირველი ინფორმაცია გაავრცელეს.
დაიღუპა ანდრიი პარუბი. ვუსამძიმრებ მის ოჯახს და მეგობრებს. გამოსაძიებლად და მკვლელის მოსაძებნად გამოყენებულია ყველა საჭირო ძალა და საშუალება,“ - განაცხადა ზელენსკიმ.
