თურქეთმა ისრაელის მთავრობის თვითმფრინავებისთვის და ისრაელის არმიისთვის ნებისმიერი იარაღის გადაზიდვისთვის თავისი საჰაერო სივრცე დახურა. ასევე დახურა თავისი პორტები მესამე ქვეყნებსა და ისრაელს შორის საზღვაო ვაჭრობისთვის. ამის შესახებ AP იუწყება.
საგარეო საქმეთა მინისტრის, ჰაკან ფიდანის განცხადება თურქეთსა და ისრაელს შორის პირდაპირი ვაჭრობის აკრძალვას დაემატა, რომელიც 2024 წლის მაისში გამოცხადდა.
„ჩვენ სრულიად შევწყვიტეთ ვაჭრობა ისრაელთან. ჩვენ დავხურეთ ჩვენი პორტები ისრაელის გემებისთვის. ჩვენ არ ვაძლევთ ისრაელში იარაღისა და საბრძოლო მასალის გადამტან კონტეინერმზიდ გემებს ჩვენს პორტებში შესვლის უფლებას, ასევე არ ვუშვებთ თვითმფრინავებს ჩვენს საჰაერო სივრცეში“, - განაცხადა ფიდანმა.
