30 აგვისტოს კოპენჰაგენში ევროკავშირის საგარეო საქმეთა მინისტრების არაფორმალურ შეხვედრას დიდი ბრიტანეთის, ისლანდიისა და ნორვეგიის საგარეო საქმეთა მინისტრები ესწრებიან, რათა რუსეთზე სანქციების გაზრდის საკითხი განიხილონ.
ამის შესახებ შეხვედრის დაწყებამდე ხორვატიის საგარეო საქმეთა მინისტრმა გორდან გრლიჩ-რადმანმა განაცხადა.
დიდი ბრიტანეთის, ისლანდიისა და ნორვეგიის საგარეო საქმეთა მინისტრები ევროკავშირის მინისტრებთან ერთად რუსეთის წინააღმდეგ სანქციების შესახებ მსჯელობენ.
„ევროკავშირმა რუსეთზე ზეწოლა უნდა გააძლიეროს. ჩვენს დღის წესრიგში უფრო მკაცრი სანქციები და რუსული „ჩრდილოვანი ფლოტია“, - განაცხადა გრლიჩ-რადმანმა.
მან დასძინა, რომ მთავარი მიზანია „მოსკოვის იძულება, შეუერთდეს მნიშვნელოვან მოლაპარაკებებს“.
„დღეს ჩვენი ახლო პარტნიორები - დიდი ბრიტანეთი, ისლანდია და ნორვეგია - ასევე დაესწრებიან შეხვედრას, რათა წვლილი შეიტანონ ჩვენს ძალისხმევაში“, - განაცხადა მინისტრმა.
