აჭარის მთავრობის თავმჯდომარე ფინანსთა და ეკონომიკის მინისტრთან ერთად ინვესტორთა ასოციაციის წარმომადგენლებს შეხვდა.
საბანკო გარანტიები, საბაჟო პროცედურების გამარტივება, სასამართლო დავების ოპერატიული გადაწყვეტა ეს ის საკითხებია რაზეც ბიზნესმენებმა ლევან ვარშალომიძესთან ერთად იმსჯელეს, შეხვედრაზე ასევე განიხილეს რეგიონში მიმდინარე და სამომავლო პროექტები.
"კერძო სექტორის ხელშეწყობა რეგიონის პრიორიტეტია. ამ სფეროს განვითარება ახალი სამუშაო ადგილების ზრდას შეუწყობს ხელს" - აღნიშნა ლევან ვარშალომიძემ.
შეხვედრაზე ოცამდე ქართველი და უცხოელი ბიზნესმენი იმყოფებოდა.
