„მსურველთა კოალიციამ“ დაადასტურა მზადყოფნა, საომარი მოქმედებების შეწყვეტისთანავე უკრაინაში უსაფრთხოების ძალები განალაგოს, ასევე, ხელი შეუწყოს უკრაინის საჰაერო და საზღვაო სივრცის უსაფრთხოების უზრუნველყოფას და უკრაინის შეიარაღებული ძალების აღდგენას.
ამის შესახებ ნათქვამია „მსურველთა კოალიციის“ თანათავმჯდომარეების, საფრანგეთის პრეზიდენტის, ემანუელ მაკრონისა და დიდი ბრიტანეთის პრემიერ-მინისტრის, კირ სტარმერის განცხადებაში, რომელიც უკრაინის პრეზიდენტ ვოლოდიმირ ზელენსკის მონაწილეობით გამართული შეხვედრის შემდეგ გაკეთდა
"ლიდერებმა მაღალი შეფასება მისცეს აშშ-ის პრეზიდენტ დონალდ ტრამპის პოზიციას უკრაინისთვის უსაფრთხოების გარანტიების მიცემის თაობაზე, რაშიც „მსურველტა კოალიცია“ მნიშვნელოვან როლს შეასრულებს, მათ შორის უკრაინაში მრავალეროვნული ძალების მეშვეობით.
მათ კიდევ ერთხელ დაადასტურეს მზადყოფნა, საომარი მოქმედებების შეწყვეტისთანავე განალაგონ უსაფრთხოების ძალები, ასევე ხელი შეუწყონ უკრაინის საჰაერო და საზღვაო სივრცის უსაფრთხოების უზრუნველყოფას და უკრაინის შეიარაღებული ძალების აღდგენას", -ნათქვამია განცხადებაში.
ასევე აღნიშნულია, რომ ლიდერებმა კიდევ ერთხელ დაადასტურეს უკრაინისადმი მხარდაჭერა და მაღალი შეფასება მისცეს ზელენსკის სწრაფვას სამართლიანი და მდგრადი მშვიდობის მიმართ.
მაკრონმა და სტარმერმა სხვა ლიდერებს ასევე აცნობეს, რომ ორშაბათს ვაშინგტონში გაემგზავრებიან, რათა ტრამპს და ზელენსკისთან და სხვა ევროპელ ლიდრებთან ერთად შეხვდნენ.
