ალასკაში, რუსეთის პრეზიდენტმა ვლადიმირ პუტინმა მოითხოვა უკრაინული ჯარების გაყვანა დონბასის მთელი ტერიტორიიდან.
ამის შესახებ აშშ-ის პრეზიდენტმა დონალდ ტრამპმა თავის უკრაინელ კოლეგას, ვოლოდიმირ ზელენსკის და ევროპელ ლიდერებს განუცხადა, წერს Bloomberg ინფორმირებულ წყაროებზე დაყრდნობით.
ამავდროულად, ტრამპმა განაცხადა, რომ ტერიტორიებთან დაკავშირებით გადაწყვეტილება ახლა უკრაინაზეა.
Bloomberg-ის ცნობით, ტრამპის კომენტარებმა ზოგიერთი ევროპელი მაღალჩინოსნის შეშფოთება გამოიწვია, რომლებიც შიშობენ, რომ ტრამპი ზელენსკიზე ზეწოლას მოახდენს, რათა მან ტერიტორიები დათმოს სამშვიდობო შეთანხმების სანაცვლოდ.
„საერთაშორისო საზღვრები ძალის გამოყენებით არ უნდა შეიცვალოს“, - განაცხადეს ევროპული ქვეყნებისა და ევროკავშირის ლიდერებმა ზელენსკისთან და ტრამპთან საუბრის შემდეგ.
წყაროების ცნობით, ტრამპმა ლიდერებს ასევე განუცხადა, რომ მზად არის წვლილი შეიტანოს უკრაინის უსაფრთხოებაში, თუ ამაში ნატო არ ჩაერთვება. წყაროების ცნობით, ტრამპმა ნათლად განაცხადა, რომ პუტინი დათანხმდება.
ამ საკითხთან დაკავშირებით, ევროპელმა ლიდერებმა დაადასტურეს ტრამპის, პუტინისა და ზელენსკის შორის სამმხრივი შეხვედრის აუცილებლობა.
