აშშ-ის პრეზიდენტმა დონალდ ტრამპმა განაცხადა, რომ კრემლის ლიდერ ვლადიმირ პუტინთან შეხვედრას 10-დან 10 ქულით შეაფასა და უახლოეს მომავალში რუსეთისთვის სანქციების დაწესების შესახებ გადაწყვეტილება გადაიფიქრა. ამის შესახებ მან Fox News-თან ინტერვიუში ისაუბრა.
ტრამპმა განაცხადა, რომ შეხვედრას მაღალ შეფასებას მისცემდა, რადგან ისინი „კარგად შეეწყვნენ ერთმანეთს“.
იმის მიუხედევად, რომ სამიტზე შეთანხმება არ მიღწეულა, მან სამიტს 10-დან 10-ქულიანი შეფასება მისცა.
„ასე რომ, ვფიქრობ, შეხვედრა 10-ზე იყო იმის გათვალისწინებით,, რომ ჩვენ შესანიშნავად ვუგებდით ერთმანეთს. და კარგია, როდესაც ორი დიდი სახელმწიფო ერთმანეთს კარგად ეწყობა, განსაკუთრებით თუ ისინი ბირთვული სახელმწიფოები არიან. თქვენ იცით, ჩვენ პირველები ვართ, ისინი კი მეორე - მთელ მსიფლიოში. და ეს შესანიშნავია. ეს შესანიშნავია,“ - თქვა ტრამპმა.
ტრამპმა ასევე მიანიშნა, რომ თავს შეიკავებდა რუსეთისთვის დამატებითი სანქციების ან სხვა „მკაცრი შედეგების“ დაწესებისგან მას შემდეგ, რაც დაასკვნა, რომ პუტინთან მისმა შეხვედრამ „ძალიან კარგად“ ჩაიარა.
„დღეს მომხდარის გამო, არ მგონია, ახლა ამაზე ფიქრი საჭირო იყოს.
შეიძლება ორ ან სამ კვირაში ან რამე მსგავს დროს ამაზე ფიქრი მომიწიოს, მაგრამ ახლა ამაზე ფიქრი არ გვჭირდება," - განაცხადა ტრამპმა
