შეერთებულ შტატებში, პენსილვანიის შტატის ქალაქ პიტსბურგში, ფოლადის ქარხანაში (U.S. Steel) მომხდარი აფეთქები შედეგად ორი ადამიანი დაიღუპა და სულ მცირე 10 დაშავდა. იტყობინება სააგენტო AP.

გავრცელებული ინფორმაციით, ერთ-ერთი გარდაცვლილი მუშა აფეთქებიდან რამდენიმე საათში ნანგრევებიდან ამოიყვანეს.

როგორც იუწყებიან, 5 დაშავებული სამედიცინო დაწესებულებაში შეყვანიდან რამდენიმე საათში გაწერეს. კიდევ 3 პაციენტი მკურნალობისა ტრავმატოლოგიურ და დამწვრობის ცენტრში გადის.

ადგილობრივი სამაშველო სამსახურის ცნობით, ქარხანაში აფეთქება ადგილობრივი დროით, 10:51 საათზე მოხდა, რასაც ხანძარი მოჰყვა.

U.S. Steel-ის მთავარი ოპერაციული დირექტორის სკოტ ბაკისოს განცხადებით, ქარხნის თანამშრომლებმა „შესანიშნავი სამუშაო გასწიეს“ მუშების გადასარჩენად და სიტუაციის შემდგომი გართულებისგან თავის ასარიდებლად.

კომპანიის განცხადებით, აფეთქების გამომწვევი მიზეზი ჯერჯერობით უცნობია და მიმდინარეობს „საფუძვლიანი გამოძიება“.