აშშ-ის სახელმწიფო მდივანმა, მარკო რუბიომ, განაცხადა, რომ საფრანგეთის პრეზიდენტის, ემანუელ მაკრონის გადაწყვეტილებამ პალესტინის სახელმწიფოს აღიარების შესახებ ისრაელსა და ჰამასს შორის ცეცხლის შეწყვეტის შესახებ მოლაპარაკებები ჩაშალა. ამის შესახებ რუბიომ Eternal Word Television Network-თან ინტერვიუში ისაუბრა.
რუბიომ ხაზგასმით აღნიშნა, რომ "ჰამასთან" მოლაპარაკებები „ჩაიშალა იმავე დღეს, როდესაც მაკრონმა პალესტინის სახელმწიფოს ცალმხრივი აღიარების გადაწყვეტილება მიიღო“.
მისი თქმით, გადაწყვეტილება „ჰამასის“ მებრძოლებს სიგნალს აძლევს, რომ მათი ქმედებები შეიძლება დაჯილდოვდეს, რითაც მცირდება ცეცხლის შეწყვეტის მიღწევის შანსები.
„ჰამასის“ ადგილას რომ ვყოფილიყავი, დავასკვნიდი: „მოდით, არ შევწყვიტოთ ცეცხლი, შესაძლოა, დავჯილდოვდეთ, შესაძლოა, ეს ჩვენი გამარჯვება იყოს“, - თქვა რუბიომ.
