უნგრეთის პრემიერ-მინისტრმა ვიქტორ ორბანმა განაცხადა, რომ ევროკავშირის წამყვანი ქვეყნების ლიდერები ვლადიმირ პუტინს უნდა შეხვდნენ, რათა უზრუნველყონ ევროპის ჩართულობა რუსეთსა და უკრაინას შორის ომის დასრულების დიპლომატიურ ძალისხმევაში.
ორბანმა განაცხადა, რომ პრობლემად მიიჩნევს იმ ფაქტს, რომ ევროკავშირს არ სურს რუსეთის ლიდერ ვლადიმირ პუტინთან ურთიერთობა და „არ არის კმაყოფილი იმით, რომ ევროკავშირს ჩაეძინა“.
მისი აზრით, გერმანიის კანცლერი ფრიდრიხ მერცი და საფრანგეთის პრეზიდენტი ემანუელ მაკრონი უნდა ჩავიდნენ მოსკოვში პუტინთან მოსალაპარაკებლად, ან მოლაპარაკებები რომელიმე ნეიტრალურ ქვეყანაში უნდა დაიწყონ.
ორბანმა აღნიშნა, რომ წინააღმდეგ შემთხვევაში, აშშ-ის პრეზიდენტსა და პუტინს შორის მოლაპარაკებების შედეგად მიღწეული პოტენციური სამშვიდობო შეთანხმება, რომლის შეხვედრაც უახლოეს მომავალშია მოსალოდნელი, არსებითად ევროპელების მონაწილეობის გარეშე მოხდება.
მან დასძინა, რომ საჭიროდ მიიჩნევს ევროპელ ლიდერებსა და პუტინს შორის რაიმე სახის შეხვედრას, ტრამპთან შეხვედრამდე, ან მის შემდეგ მაინც, რადგან „ევროკავშირი არ უნდა იჯდეს სახლში, როგორც განაწყენებული ბავშვი“ და მოლაპარაკებებში ჩაერთოს.
