"მაქვს ინფორმაცია, რომ შს ყოფილი მინისტრის, გომელაურის პირველი მოადგილე, შალვა ბედოიძე გაუდგება ციხის გზას," - ამის შესახებ "ნაციონალური მოძრაობის" პოლიტსაბჭოს თავმჯდომარემ, ლევან ხაბეიშვილმა განაცხადა.
მისი თქმით, გიორგი ახობაძის საქმეს სწორედ "შალვა ბედოიძე კერავდა". ხაბეიშვილი განმარტავს, რომ ბიძინა "ივანიშვილი აუცილებლად შეაწმენდს სხვა ადამიანებს ხელს მითუმეტეს, რომ გომელაურმა ამ დროისთვის ფული ჯერ არ მიიტანა".
"აბსოლუტური ჩამოშლა, დეზორგანიზება, ბიძინა ივანიშვილის ბანდფორმირება იხლიჩება, გახლეჩილია უკვე კარგა ხანია, ერთმანეთის წინააღმდეგ არიან დაპირისპირებულები, სასამართლოში ბუნტია, გარკვეულ დირექტივებს ისინი არ ასრულებენ და დადასტურდა დღეს მზია ამაღლობელის შემთხვევაში, ლამის იტირა მოსამართლემ, რომ ცუდი გადაწყვეტილება უნდა მივიღო, კვალიფიკაციას შევცვლი, 7 წლის ნაცვლად ორი წელი, იტირა ფაქტობრივად ამ ქალმა. ახობაძის შემთხვევაში, მოსამართლემ პირდაპირ გაამართლა ის და ვულოცავ მე გიორგის თავისუფლებას, ყველას გილოცავთ მის თავისუფლებას.
ასევე მნიშვნელოვანი კითხვები დარჩა - ეს ნარკოტიკები, თავისით ხომ არ გაჩნდა? ეს ცრუ მოწმეები - პოლიციელები სად დაიკარგებიან? ახლა რას მოყვებიან? ივანიშვილმა გამოგიყენათ, ჩვენებები მიგაცემინათ, დაგამცირათ და გადაგაგდოთ. ასევე მაქვს ინფორმაცია, რომ შს ყოფილი მინისტრის, გომელაურის პირველი მოადგილე, შალვა ბედოიძე გაუდგება ციხის გზას. შალვა ბედოიძე იყო, ვინც ამ საქმეებს კერავდა, აბა ბიძინა თვითონ ხომ არ დაიბრალებს, ან კობახიძე, მდინარაძე, რომ მათი ბრალი იყო?! აუცილებლად შეაწმენდს სხვა ადამიანებს ხელს მითუმეტეს, რომ გომელაურმა ამ დროისთვის ფული ჯერ არ მიიტანა, ამიტომ უნდა გვესმოდეს ყველას, რომ ახლა უნდა მოვბილიზდეთ და ახლა ივანიშვილი დაელოდოს 4 ოქტომბერს ქართველი ხალხის განაჩენს," - განაცხადა ლევან ხაბეიშვილმა.
