აშშ-ის პრეზიდენტის დონალდ ტრამპის სპეციალური წარმომადგენელი სტივ უიტკოფი მოსკოვში ჩავიდა. ინფორმაციას რუსული მედია ავრცელებს.
უიტკოფს აეროპორტში რუსეთის პრეზიდენტის, ვლადიმერ პუტინის სპეციალური წარმომადგენელი უცხო ქვეყნებთან ინვესტიციებისა და ეკონომიკური თანამშრომლობის საკითხებში, კირილ დმიტრიევი დახვდა.
უიტკოფი ბოლოს მოსკოვში მოლაპარაკებებისთვის 25 აპრილს ჩავიდა, მანამდე კი 11 აპრილს სანქტ-პეტერბურგში იმყოფებოდა.
ორივე ვიზიტისას მასთან შეხვედრები გამართა რუსეთის პრეზიდენტმა ვლადიმირ პუტინმა. ეს წლის დასაწყისიდან უიტკოფის უკვე მეხუთე ვიზიტია რუსეთში.
