"ჯიპიაი ჰოლდინგის" გენერალური დირექტორის გიორგი კვირიკაძის თქმით, "ველფეარ ფაუნდეიშენის" მიერ 2008 წელს ჩატარებული კვლევით, დაზღვეულების 73 % კმაყოფილია პროგრამით და სადაზღვევო კომპანიების მიერ გაწეული მომსახურებით.
ამავე კვლევის თანახმად, "ჯიპიაი ჰოლდინგის" მომსახურებით ბენეფიციართა ზოგადი კმაყოფილება 70%-ია.
"ჩვენ ყოველთვიურად ვაწოდებთ ამომწურავ ინფორმაციას ჯანდაცვის სამინისტროს, სოციალური პროგრამების სააგენტოს, თუ ვინ, როდის მოგვმართა, როდის გაეწია მომსახურება, რა დაუფინანსდა, რა თანხით და ა.შ. ამასთან, ჯანდაცის სამინისტროში არსებული დაზღვევის მედიაციის სამსახურიც იმ მიზნით შეიქმნა, რომ თითოეული დაზღვეულის პრეტენზია შეესწავლა და მოეხდინა რეაგირება. რეგულარულად ტარდებოდა ასევე ბენეფიიართა კმაყოფილების კვლევა და ხდებოდა არსებული პრობლემების იდენტიფიცირება. "ველფეარ ფაუნდეიშენის" მიერ 2008 წელს ჩატარებული კვლევით დაზღვეულების 73% კმაყოფილია პროგრამით და სადაზღვევო კომპანიების მიერ გაწეული მომსახურებით. ამავე კვლევის თანახმად, ჩვენი კომპანიის მომსახურებით ბენეფიციართა ზოგადი კმაყოფილება 70%-ია", - განაცხადა კვირიკაძემ სასტუმრო "შერატონ მეტეხი პალასში" გამართულ ბრიფინგზე.
როგორც "ჯიპიაი ჰოლდინგის" გენერალური დირექტორი განმარტავს, კვლევაში ირკვევა, რომ დაზღვეულების უმეტეს ნაწილს აქვს ინფორმაცია დაზღვევის შესახებ-გამოკითხულთა 84 % ადასტურებს, რომ სადაზღვევო კომპანიებისგან მათ მიიღეს განმარტება დაზღვევის შესახებ.
"ეს ბუნებრივიცაა, ვინაიდან ჩვენს მიერ პოლისის გამოწერამდე ბენეფიციარებს ჯანდაცვის სამინისტროსგან ურიგდებოდათ სადაზღვევო ვაუჩერი და საინფორმაციო ბუკლეტი, ხოლო ყველა სადაზღვევო კომპანია აწვდიდა საკუთარი პოლისის უპირატესობების შესახებ ინფორმაცია, რომ ბენეფიციარს ამ უკანასკნელის სასარგებლოდ მიეღო გადაწყვეტილება", - განმარტა გიორგი კვირიკაძემ.
მისივე თქმით, ამ პროექტს უაღრესად დიდი მნიშვნელობა აქვს, პირველ რიგში, ქვეყნისთვის და, რა თქმა უნდა, სადაზღვევო ბაზრისთვისაც. მისი განმარტებით, ამ პროექტის თანმდევი შედეგი იყო ზოგადად, დაზღვევის კულტურის პოპულარიზება საქართველოში.
"დღეს ჯანმრთელობის დაზღვევის აუცილებლობაზე ყველა საუბრობს-ეჭვგარეშეა, კერძო სადაზღვევო სისტემის განვითარება პირდაპირ არის დაკავშირებული ჯანმრთელობის ხელმისაწვდომობის ზრდასთან საქართველოში,"-აღნიშნავს კვირიკაძე.