აღნიშნულის შესახებ დღეს ეკონომიკის და მდგრადი განვითარების სამინისტროში მემორწნდუმი გაფორმდა, რომელსაც ხელი მინისტრმა ვერა ქობალიამ და Helwett Packard კომპანიის წარმომადგენელმა დევიდ სინკლერმა მოაწერა.

როგორც ხელმოწერის ცერემონიალის შემდეგ ეკონომიკის მინისტრმა ვერა ქობალიამ აღნიშნა, Helwett Packard მსოფლიოში ერთ-ერთი ყველაზე დიდი IT კომპანიაა, რომლის შემოსავალი 120 მილიარდი დოლარია და მსოფლიოში 300 ათასზე მეტი ადამიანი ყვავს დასქმებული.

"კომპანია Helwett Packard თავდაპირველად სახელმწიფო სტრუქტურებთან ითანამშრომლებს, რომლის ფარგლებშიც იგეგმება დატა ცენტრის შექმნა, სადაც 100-მდე ადამიანი დასაქმედება", - აღნიშნა ქობალიამ.

ამასთან, კომპანია HP-ს წარმომადგენელის დევიდ სინკლერის განცხადებით, მართალია საქართველო შედარებით პატარა ქვეყანაა, მაგრამ დიდი ამბიციები გააჩნია ინფორმაციული ტექნოლოგიების სფეროში.

ამასთან, სინკლერმა საქართველოს ეკონომიკის მინისტრს და პრემიერ-მინისტრს მადლობა გადაუხადა გაწეული თანამშრომლობისთვის.

გაფორმებული ხელშეკრულების თანახმად, გეგმის პირველი ფაზის მიხედვით HP-ს ცენტრმა სახელმწიფოს კუთვნილებაში მყოფ საწარმოებში უნდა უზრუნველყოს IT მომსახურება, რის შედეგადაც IT მომსახურების ხარჯები სავარაუდოდ 20% შემცირდება, მეორეს მხრივ კი კიბერშემოტევებისგან დაცვას უზრუნველყოფს. ასევე დაგეგმილია IT -ს სპეციალისტებისთვის ტრენინგების ჩატარება.

ამასთან, პროექტის განხორციელბის შედეგად, ცენტრის შესაქმნელად HP საქართველოში რამდენიმე მილიონიანი ინვესტიცის ჩადებას გეგმავს, რაც ხელს შეუწყობს ასობით IT -ს სპეციალისტის დასაქმებას.