უამინდობისა და დიდთოვლობის გამო აჭარის რეგიონში ელექტროენერგიის მიწოდება ავარიულად შეუწყდა ენერგო-პრო ჯორჯიას 23 800 აბონენტს.
კერძოდ გათიშულია 8 400 აბონენტი ქობულეთში, 4 300 აბონენტი ზემო აჭარაში, 5 600 აბონენტი ხელვაჩაურში, 3 100 აბონენტი ოზურგეთში და 2 400 აბონენტი ჩოხატაურში.
დიდთოვლობის შედეგად დაზიანდა ელექტროენერგიის გადამცემი ხაზები, რამაც განაპირობა ელექტროენერგიის ავარიული გათიშვა.
რთული სამუშაო პირობების მიუხედავად, ენერგო-პრო ჯორჯიას ტექნიკური ბრიგადები მუშაობენ საგანგებო რეჟიმში, რათა დღის ბოლომდე ოპერატიულად მოახდინონ უამინდობით გამოწვეული დაზიანების ლოკალიზება და კომპანიის აბონენტებისთვის ელექტროენერგიის მიწოდების აღდგენა.
