გერმანიის თავდაცვის მინისტრმა ბორის პისტორიუსმა განაცხადა, რომ გერმანია უკრაინას დამატებით საჰაერო თავდაცვის სისტემებსა და საბრძოლო მასალას რაც შეიძლება სწრაფად გადასცემს.
ამის შესახებ მან „რამშტაინის“ ფორმატში გამართულ შეხვედრაზე განაცხადა.
„გერმანია დამატებით საჰაერო თავდაცვის სისტემებს და საჭირო საბრძოლო მასალას მიაწვდის“, - განაცხადა პისტორიუსმა.
გერმანიის თავდაცვის მინისტრმა განაცხადა, რომ გასულ კვირას ვაშინგტონში ვიზიტის დროს, პენტაგონის ხელმძღვანელ პიტ ჰეგსეთთან შეხვედრისას შეთანხმდნენ უკრაინისთვის Patriot-ის ტიპის ხუთი საზენიტო-სარაკეტო სისტემის რაც შეიძლება სწრაფად მიწოდებასთან დაკაშირებით.
მან აღნიშნა, რომ მხარეები უახლოეს დღეებში კოორდინაციას გაუწევენ ქმედებებს ამ მიზნის მისაღწევად.
„გასულ კვირას, ვაშინგტონში ჩემი ვიზიტის დროს, მე და პიტ ჰეგსეტი შევთანხმდით, რომ გერმანია შეიტანს თავის წვლილს ხუთი უკიდურესად საჭირო Patriot-ის ტიპის საზენიტო-სარაკეტო სისტემის უკრაინისთვის რაც შეიძლება სწრაფად მიწოდებით“, – აღნიშნა პისტორიუსმა.
