სამხრეთ კორეაში ოთხი დღის წინ დაწყებულ ძლიერ წვიმებსა და მეწყერს 17 ადამიანი ემსხვერპლა, 11 კი დაკარგულად არის მიჩნეული. იუწყება Reuters
ხელისუფლების ცნობით, მსხვერპლთა მნიშვნელოვანი რაოდენობა - 10 გარდაცვლილი და ოთხი დაკარგული - სანჩონის სამხრეთ რაიონში იმყოფებოდა.
დანარჩენი გარდაცვალების შემთხვევები კიონგის პროვინციის ოსანსა და ჰაპიონგში; სამხრეთ ჩუნჩეონის პროვინციის სეოსანში; სამხრეთ ჩუნჩეონის პროვინციის დანჯინსა და სამხრეთ-დასავლეთის ქალაქ გვანგჯუში დაფიქსირდა.
საგანგებო სამსახურის წარმომადგენლებმა განაცხადეს, რომ სანჩონში სამაშველო სამუშაოები კვლავ გრძელდება, ამიტომ, შესაძლოა, დაღუპულთა რაოდენობა გაიზარდოს.
ძლიერი წვიმები ქვეყანაში ოთხშაბათიდან გრძელდება. სტიქიის ზონიდან თითქმის 13 500 ადამიანი იძულებული გახდა ევაკუირებულიყო.
