უკრაინული მედიის ცნობით, გასულ ღამეს, რუსეთმა დნიპროზე დრონებით მასშტაბური იერიში მიიტანა. ერთი ადამიანი დაიღუპა და ხუთი დაშავდა.
ამის შესახებ დნიპროპეტროვსკის ოლქის ადმინისტრაციის ხელმძღვანელმა, სერჰიი ლისაკმა განაცხადა.
ლისაკის თქმით, ყველა დაჭრილი 35-დან 70 წლამდე ასაკის მამაკაცია, ოთხი მათგანი საავადმყოფოში გადაიყვანეს, მათგან სამის მდგომარეობა მძიმეა.
მისივე თქმით, ლოკაციაზე რამდენიმე ხანძარი გაჩნდა. საწარმოები დაზიანდა.
ლისაკის თქმით, რეგიონში 22 დრონი ჩამოაგდეს, თუმცა დაფიქსირდა დრონების პირდაპირი დარტყმებიც.
