აშშ-ის სახელმწიფო დეპარტამენტის პრესსპიკერმა ტემი ბრიუსმა განაცხადა, რომ შეერთებული შტატები კვლავ ერთგული რჩება უკრაინის მხარდაჭერის და გააგრძელებს კიევისთვის იარაღის მიწოდებას ბოლო დროს შეჩერებული პაუზის მიუხედავად.
ბრიფინგის დროს ჟურნალისტმა ჰკითხა, გამოიწვევს თუ არა პრეზიდენტ ტრამპის მიერ პუტინის შესახებ გაჟღერებული უახლესი შეფასება ცვლილებებს უკრაინის მიმართ აშშ-ის პოლიტიკაში.
საპასუხოდ, ბრიუსმა ხაზგასმით აღნიშნა, რომ აშშ-ის პოზიცია უცვლელი რჩება. აშშ აგრძელებს უკრაინის მხარდაჭერას და იარაღის მიწოდების ხანმოკლე შეჩერება ყველა სამხედრო დახმარების პროგრამის დაგეგმილი გადახედვის ნაწილი იყო და არა კურსის შეცვლა.
„ჩვენ ვიყავით და ვრჩებით უკრაინის უდიდეს მხარდამჭერებად. ჩვენ ვზრუნავთ ამ ადამიანებზე, ვზრუნავთ იმაზე, რომ მათ ჰქონდეთ ყველაფერი, რაც სჭირდებათ. ასე რომ, ჩვენ მათ ვეხმარებით და გავაგრძელებთ დახმარებას. ეს არის ჩვენი პოზიცია“, - აღნიშნა ბრიუსმა.
ბრიუსმა განაცხადა, რომ აშშ-ის პრეზიდენტ დონალდ ტრამპ „მტკიცედ აქვს გადაწყვეტილი“, უზრუნველყოს უკრაინა ყველაფრით, რაც მას თავდაცვისთვის სჭირდება, განსაკუთრებით მასობრივი მკვლელობებისა და ცეცხლის შეწყვეტის მიღწევის აუცილებლობის გათვალისწინებით.
