8 ივლისს აშშ-ის ეროვნული უშიშროების საბჭოს წევრები უკრაინისთვის იარაღის, მათ შორის Patriot-ის სისტემების მიწოდების დეტალებს განიხილავენ.
ამის შესახებ CNN წყაროებზე დაყრდნობით იუწყება.
მედიის ცნობით, აშშ-ის პრეზიდენტის დონალდ ტრამპის მიერ კიევისთვის სამხედრო დახმარების განახლების შესახებ გაკეთებული განცხადების შემდეგ, მისი თანაშემწეები პროცესის დეტალების განსახილველად შეხვდებიან.
აშშ-ის პრზეიდენტმა დონალდ ტრამპმა თეთრ სახლში ისრაელის პრემიერ-მინისტრ ბენიამინ ნეთანიაჰუსთან შეხვედრის დროს განაცხადა: „ჩვენ მეტ იარაღს გავუგზავნით. ამის გაკეთება მოგვიწევს. მათ უნდა შეეძლოთ თავის დაცვა. ახლა მათ ძალიან მძიმედ უტევენ. ჩვენ იძულებული ვიქნებით, მეტი იარაღი გავგზავნოთ. ეს, პირველ რიგში, თავდაცვითი იარაღია, მაგრამ მას საკმაოდ ძლიერი ეფექტი აქვს".
CNN აღნიშნავს, რომ გადაწყვეტილება მიღებულ იქნა სამხედრო ხარჯებისა და უცხო ქვეყნებისთვის ამერიკული მხარდაჭერის გადახედვის შემდეგ, რომელსაც თავდაცვის მდივანი პიტ ჰეგსეტი აწერდა ხელს.
ინფორმირებული წყაროს ცნობით, აშშ-ის ადმინისტრაციამ უკვე გამართა მოლაპარაკებები უკრაინისთვის Patriot-ისტიპის რაკეტების მიწოდების შესაძლებლობასთან დაკავშირებით.
შეიარაღების მიწოდებასთან დაკავშირებით მოლაპარაკებები, სავარაუდოდ, უკრაინელებსა და აშშ-ის პრეზიდენტის სპეციალურ წარმომადგენელს, კიტ კელოგს შორის, ამ კვირაში რომში დაგეგმილ კონფერენციაზე გაგრძელდება.
