ასპინძის რაიონში, ხერთვისი-ვარძიის გზაზე მალე ახალი, 70-მეტრიანი საავტომობილო ხიდი გაიხსნება.
კონსტრუქცია მოსახლეობას და ტურისტებს ვარძიის სამონასტრო კომპლექსთან დააკავშირებს. სავალ ნაწილზე, რომლის სიგანე 13 მეტრია ასფალტ-ბეტონის საფარი დაიგება, მოეწყობა ტროტუარები და მოაჯირები.
ახალი ხიდის აშენებამდე მოსახლეობას ძველი, სტიქიისგან დაზიანებული ხიდით უწევდა სარგებლობა, რაც მათ სიცოცხლეს საფრთხეს უქმნიდა. ახალი ხიდით დაბა ასპინძისა და მისი 8 სოფლის მოსახლეობა ისარგებელებს.
პროექტი რეგიონული განვითარებისა და ინფრასტრუქტურის სამინისტროს კოორდინირებით და "მილენიუმის" დაფინანსებით ხორციელდება. აქ 60 ადამიანია დასაქმებული.