კვირას, ნატო-ს ქვეყნებმა მიიღეს განცხადება მომავალი სამიტისთვის, რომლის თანახმად, გათვალისწინებულია 2035 წლისთვის თავდაცვისა და უსაფრთხოების წლიური ხარჯების მშპ-ს 5%-მდე გაზრდა.
წყაროების ცნობით, განცხადება ნატო-ს 32-ვე წევრმა დაამტკიცა, თუმცა ოფიციალურად გამოცხადდება მხოლოდ მას შემდეგ, რაც მას ოთხშაბათს ჰააგაში გამართულ სამიტზე ლიდერები, მათ შორის აშშ-ის პრეზიდენტი დონალდ ტრამპი, მხარს დაუჭერენ. იუწყება DPA
დეტალები იმის შესახებ, თუ როგორ დაარწმუნეს ესპანეთი, წინააღმდეგობა შეეწყვიდა, არ გახმაურებულა.
ნატო-ს კონსენსუსი თავდაცვის ხარჯების მშპ-ს 5%-მდე გაზრდის შესახებ შეიძლება დონალდ ტრამპის გამარჯვებად ჩაითვალოს, რომელიც თვეების განმავლობაში მოითხოვდა, რომ მოკავშირეები ვალდებულებას იღებდნენ თავდაცვის ხარჯების ამ დონემდე გაზრდის შესახებ.
