სომხეთის პრემიერ-მინისტრის, ნიკოლ ფაშინიანის განცხადებით, თურქეთის პრეზიდენტთან, რეჯეფ თაიფ ერდოღანთან შეხვედრაზე სომხეთ-თურქეთის ურთიერთობების ნორმალიზების საკითხი და რეგიონული მოვლენები განიხილეს. ამის შესახებ ფაშინიანმა სოციალურ ქსელ X-ში დაწერა.
„პრეზიდენტ ერდოღანთან სტამბოლში მქონდა სიღრმისეული მოლაპარაკებები. განვიხილეთ სომხეთ-თურქეთის ურთიერთობების ნორმალიზების პროცესი, რეგიონული მოვლენები და მდგრადი დიალოგის მნიშვნელობა. სომხეთი ჩვენს რეგიონში მშვიდობისა და სტაბილურობის დამყარების ერთგული რჩება“, – წერს ნიკოლ ფაშინიანი.
ნიკოლ ფაშინიანი თურქეთში პირველი სამუშაო ვიზიტით იმყოფებოდა.
