ევროპარლამენტი ჟურნალისტ მზია ამაღლობელის გათავისუფლებას მოითხოვს, - ამის შესახებ ევროპარლამენტარი რიჰარდს კოლსი X-ზე წერს.
„ევროპარლამენტმა ახლახან საქართველოში მედიის თავისუფლების შესახებ რეზოლუცია მიიღო. როგორც „კონსერვატორებისა და რეფორმისტების“ ჯგუფის მთავარმა მომლაპარაკებელმა ამ რეზოლუციის შესახებ, დაჟინებით მოვითხოვე ყოვლისმომცველი და მკაცრი სანქციების დაწესება საქართველოს რეჟიმის წინააღმდეგ, რომელიც საქართველოში დემოკრატიას ახშობს. ევროპარლამენტი ჟურნალისტ მზია ამაღლობელის გათავისუფლებას, დამოუკიდებელი მედიის წინააღმდეგ რეპრესიების დასრულებას, „უცხოელი აგენტების“ შესახებ კანონების გაუქმებასა და ქართული დემოკრატიის აღდგენას მოითხოვს“, - წერს რიჰარდს კოლსი.
შეგახსენებთ, ევროპარლამენტმა მედიის თავისუფლებასა და ამაღლობელის გათავისუფლებაზე რეზოლუცია მიიღო.
