ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელელმა სამხედროებმა გაანადგურეს ირანის ისლამური რევოლუციის გუშაგთა კორპუსის დაზვერვის სამსახურის ხელმძღვანელი მოჰამედ ქაზემი და მისი მოადგილე ჰასან მოჰაკიკი.
„ჩვენ ახლახან გავანადგურეთ ირანის დაზვერვის უფროსი და მისი მოადგილე თეირანში, ახლა ჩვენი პილოტები თეირანის თავზე იმყოფებიან და სამხედრო და ბირთვულ ობიექტებს ურტყამენ“, - განაცხადა ისრაელის პრემიერ-მინისტრმა Fox News-თან ინტერვიუში.
ნეთანიაჰუმ ისრაელელი სამხედროების ქმედებები იმით ახსნა, რომ ირანი კონტინენტთშორისი ბალისტიკური რაკეტების შემუშავებაზე მუშაობს.
ნეთანიაჰუმ ასევე განაცხადა, რომ ისრაელის დაზვერვის მონაცემებით, ირანი ჰუსიტებისთვის ბირთვული იარაღის მიწოდებას გეგმავდა.
ამასთან, ირანულმა სამთავრობო მედიამ ოფიციალურად დაადასტურა, რომ მოჰამად ქაზემი და მისი მოადგილე 15 ივნისს ისრაელის იერიშს ემსხვერპლნენ.
სამთავრობო მედიის ცნობით, ისრაელის დარტყმის შედეგად ასევე დაიღუპა IRGC-ის დაზვერვის ოფიცერი, მოჰსენ ბაღერი.
