სლოვაკეთის პრეზიდენტმა პიტერ პელეგრინიმ განაცხადა, რომ კიევში ვიზიტს გეგმავს და იმედოვნებს, რომ ვიზიტი კონსტრუქციული იქნება.
პელეგრინის თქმით, მან უკრაინის პრეზიდენტ ვოლოდიმირ ზელენსკის ვიზიტისთვის მზადების შესახებ ინფორმაცია გასულ კვირას ვილნიუსის სამიტზე გამართული შეხვედრის დროს მიაწოდა.
„უკრაინულ მხარეს ვთხოვე, ვიზიტს გარკვეული შინაარსი მიენიჭოს, რომ ის მხოლოდ თავაზიანი ვიზიტი არ იყოს. რათა ორივე მხარისთვისაც ვიპოვოთ დადებითი მნიშვნელობა და გავაგზავნოთ დადებითი სიგნალი,“ - აღნიშნა პელეგრინიმ.
სლოვაკეთის პრეზიდენტმა ასევე დადებითად შეაფასა უკრაინის განვითარების პერსპექტივები საომარი მოქმედებების დასრულების შემდეგ.
„ამან შეიძლება სარგებელი მოუტანოს სლოვაკეთს, რომელიც უკრაინას ესაზღვრება და ევროკავშირს და ეს ნამდვილად შეიძლება იყოს ძლიერი იმპულსი სლოვაკეთში რეგიონული განსხვავებების აღმოსაფხვრელად,“ - აღნიშნა სლოვაკეთის პრეზიდენტმა.
