უკრაინის პრეზიდენტი ვოლოდიმირ ზელენსკი ხარკოვზე რუსეთის ავიაერიშს გამოეხმაურა.
„ამ დროისთვის, ხარკოვში, რუსული საჰაერო დარტყმის შედეგად, უკვე ვიცით 40-ზე მეტი დაჭრილისა და ერთი დაღუპულის შესახებ. კიდევ ერთი მხეცური მკვლელობა. ქალაქში მშვიდობიანი მოსახლეობის წინააღმდეგ საჰაერო ბომბები - ახლოს ბავშვთა რკინიგზა.
ამას სამხედრო მიზანი არ აქვს. სუფთა ტერორიზმია. და ეს სამწლიანი სრულმასშტაბიანი ომის განმავლობაში. ამის უგულებელყოფა არ შეიძლება. ამაზე თვალის დახუჭვა არ შეიძლება. და ეს არ არის რაიმე სახის თამაში. ჩვენ ყოველდღიურად ვკარგავთ ჩვენს ხალხს მხოლოდ იმიტომ, რომ რუსეთი დაუსჯელად გრძნობს თავს. ჩვენ რუსეთს მშვიდობა უნდა ვაიძულოთ,“ - განაცხადა ზელენსკიმ.
საღამოს მიმართვაში უკრაინის პრეზიდენტმა განაცხადა, რომ „ვინც არ უნდა თქვას, რუსული დარტყმები არ არის „პასუხი“, ისინი სრულ განადგურებას, სიცოცხლის სრულ განადგურებას ცდილობენ“.
ზელენსკიმ აღნიშნა, რომ რუსეთზე ზეწოლის არც ერთი ფორმა არ უნდა შესუსტდეს - არც უკვე გამოყენებული ფორმატები და არც მომზადების პროცესში მყოფი ზეწოლის მეთოდები.
„ჩვენ ვმუშაობთ უკრაინის საჰაერო თავდაცვის გაძლიერებაზე. უკიდურესად საჭიროა აშშ-სგან დადებითი სიგნალები კონკრეტული სიგნალები საჰაერო თავდაცვის საკითხთან დაკავშირებით. ჩვენ ჯერ კიდევ ველოდებით პასუხს სისტემების შეძენის შეთავაზებაზე, რომლებსაც ჩვენი დახმარება შეუძლია“, - თქვა ზელენსკიმ.
ცნობისათვის, დღეს, კიევის დროით 17:35 საათზე, რუსეთმა ხარკოვზე მორიგი საჰაერო იერიში მიიტანა. დაიღუპა 1 და დაშავდა 18 ადამიანი.
